Samundar Bhi Agarche Kam Bahut Hai

samundar bhī agarche kam bahut hai

mirī tishna-labī meñ dam bahut hai

bahut din baad ḳhat aayā hai un kā

mizāj-e-dil-barāñ barham bahut hai

ġhalat aḳhbār ne likkhā thā nafrat

yahāñ to pyaar kā mausam bahut hai

agar ronā hai to rone kī ḳhātir

husain ibn-e-alī kā ġham bahut hai

tumhāre qahqahoñ meñ jaan kitnī

hamāre āñso.oñ meñ dam bahut hai

Leave a Comment