Kanchan Dobhal
sahra sahra raat karen ham
tanha.i kei baat karen ham
patthar-dil duniya par aḳhir
kyon zaaya jazbat karen ham
jab ji chahe luuT macha den
jab chahe ḳhairat karen ham
ik-duje ke dard TaTolen
kuchh baten be-bat karen ham
kis angan ko sukha chhoḌen
kis chhat par barsat karen ham
aap hi bolen aap kei ḳhatir
aisa kya hazrat karen ham
parnale bhi khul ja.enge
pahle kuchh barsat karen ham
ek akele kaisa halla
aao mil kar saath karen ham
Leave a Reply