Khalid Jamal
safar tamam hua gard-e-justuju bhi ga.i
tiri talash men nikli to aarzu bhi ga.i
ik intizar sa tha barf ke pighalne ka
phir us ke ba.ad to ummid-e-abju bhi ga.i
talab ki raah men aise bhi moḌ aa.e hain
ki harf-o-saut gaya shoḳhi-e-gulu bhi ga.i
ye barg-o-bar kahan jazib-nazar Thahre
tumhare ba.ad to phulon se rang-o-bu bhi ga.i
kuchh aise ḳhaak uḌaa.i hai dasht-e-hu men ‘jamal’
ki jazb-e-shauq bhi tafriq-e-ma-o-tu bhi ga.i
Leave a Reply