sad-rashk-e-anjuman hain ye tanha.iyan miri
suraj mira sitare mire kahkashan miri
maana ki qahqahe nahin mere nasib men
sarmaya-e-nashat hai ah-o-fughan miri
har talḳh tajarbe ne kaha hans ke mujh se yuun
a.engi kaam tere yahi talḳhiyan miri
rang-e-bahar rang-e-ghazal rang-e-ḳhun-e-dil
Duubi har ek rang men hai dastan miri
jhukta nahin ye sar kisi sarkash ke samne
pa.inda bad-e-rif.at-e-fikr-e-javan miri
tufan-o-inqalab ke afsane ban ga.e
ulTa asar dikha ga.iin ḳhamoshiyan miri
jab ‘tahira’ milega na nemul-badal mira
yaad a.engi zamane ko tab ḳhubiyan miri
Leave a Reply