Poet
sabr ḳhud ukta gaya achchha hua
kuchh to bojh ehsas ka halka hua
vo ghurur-e-hosh-mandi kya hua
jo qadam paḌta hai vo bahka hua
chheḌ baiTha vaqt apni ragni
saaz par jab aap ka qabza hua
tak raha hai ḳhud unhi ki anjuman
fitna fitna un ka chaunkaya hua
ruup badla hai sahar ka raat ne
dekhne vaalo tumhen dhoka hua
kar rahe ho kis se tum zikr-e-chaman
ghuncha ghuncha hai mira dekha hua
aap kaj-rau hain ki sab kaj-fahm hain
hal baḌi mushkil se ye uqda hua
maslahat ‘yaqub’ kyuun hai dam-ba-ḳhud
raaz kis ki bazm ka ifsha hua
Leave a Reply