Riyaz Latif
ret hai iz.har ke paani ke paar
aur virani hai virani ke paar
maut ki tashkil se ubhra hua
kaun hai meri faravani ke paar
aa na paa.i mujh talak ye ka.enat
rah ga.i sanson ki tughyani ke paar
phail kar tujh men na bas ja.un kahin
rang mujh ko rang-e-imkani ke paar
kaun phuTega adam ki kokh se
kaun la-fani hai la-fani ke paar
chhoḌ ab mafhum ki ujḌi qaba
kuchh nahin ma.ani ki uryani ke paar
Leave a Reply