resham zulf ke taar bhi baten karte hain
us ke to ruḳhsar bhi baten karte hain
itna vaqt main deta huun us laḌki ko
ab to mere yaar bhi baten karte hain
sau afsane ban jaate hain donon ke
ham donon do chaar bhi baten karte hain
har ik sher nahin ho sakta achchha sher
sha.ir kuchh be-kar bhi baten karte hain
itne zaḳhm dikhata huun main aa.e din
mujh ko to gham-ḳhvar bhi baten karte hain
Leave a Reply