raushni ka guzar makan men kya
koi suraj hai sa.eban men kya
jhuuT par jhuuT bole jaate ho
kuchh kami rah ga.i hai shaan men kya
zikr mera zarur aa.ega
varna rakkha hai dastan men kya
jo muḳhalif the saath hain mere
kuchh kashish hai miri zaban men kya
thak ga.e hain pukarne vaale
koi rahta nahin makan men kya
bolna hai to zor se bolo
phunkte ho hamare kaan men kya
Leave a Reply