raste men shaam ho ga.i qissa tamam ho chuka
jo kuchh bhi tha ai zindagi vo tere naam ho chuka
kab ki guzar ga.i vo shab jis men kisi ka nuur tha
kab ki gali men dhuup hai jiina haram ho chuka
phirte rahen nagar nagar kucha-ba-kucha dar-ba-dar
apne ḳhiyam jal chuke apna salam ho chuka
raat men baaqi kuchh nahin niind men baaqi kuchh nahin
apna har ek ḳhvab to nazr-e-avam ho chuka
us ke labon ki guftugu karte rahe subu subu
ya.ani suḳhan hue tamam ya.ani kalam ho chuka
ishq gar aisa ishq hai a.ankhon se bahne do lahu
ziist gar aisi ziist hai apna to kaam ho chuka
raste tamam ho ga.e us ki gali ke as-pas
ya.ani ḳhiram ho chuka ya.ani qayam ho chuka
Leave a Reply