raste jis taraf bulate hain
ham usi samt chalte jaate hain
roz jaate hain apne ḳhvabon tak
roz chup-chap lauT aate hain
uḌte phirte hain jo ḳhas o ḳhashak
ye koi dastan sunate hain
ye mohabbat bhi ek neki hai
is ko dariya men Daal aate hain
yaad ke is khanDar men aksar ham
apne dil ka suragh paate hain
shaam se jal rahe hain be-masraf
in charaghon ko ab bujhate hain
Leave a Reply