Shaz Tamkanat
rang laaya mira be-barg-o-nava ho jaana
itna asan na tha us ka ḳhuda ho jaana
kaun avaz baras ban ke raha mahmil-e-naz
kis ki qismat men hai sahra ki sada ho jaana
hashr tak be-gunahi naaz karegi mujh par
vo mira teri nigahon men bura ho jaana
mujh pe vo vaqt paḌa hai ki shikayat kaisi
tujh ko lazim tha ba-har-hal ḳhafa ho jaana
meri taqdir pe tohmat hi uTha.i jaati
tujh ko zeba na tha yuun ḳhud se juda ho jaana
aaj tak yaad hai kaifiyyat-e-jan tere huzur
sar se pa tak vo mira dast-e-dua ho jaana
‘shaz’ kaanp uTThe mire tark-e-mohabbat ke qadam
vo kisi pursish-e-pinhan ka bala ho jaana
Leave a Reply