Tumhaare Jism Ki Khushbu Gulon Se Aati Hai

tumhare jism ki khushbu gulon se aati hai

khabar tumhari bhi ab dusron se aati hai

hamin akele nahin jagte hain raton men

use bhi niind badi mushkilon se aati hai

hamari ankhon ko maila to kar diya hai magar

mohabbaton men chamak ansuon se aati hai

isi liye to andhere hasin lagte hain

ki raat mil ke tire gesuon se aati hai

ye kis maqam pe pahuncha diya mohabbat ne

ki teri yaad bhi ab koshishon se aati hai

Leave a Comment