Poet
rahta hai mere dil men tira nuur raat din
ik sho.ala barq-zan hai sar-e-tur raat din
manind mehr-o-mah hasinon men hai firaq
kyuun ek ek se na rahe duur raat din
ham ne mila.i aankh ye munh hai sahab ka
jaari hai zaḳhm-e-chashm ka nasur raat din
tere liye misal-e-mah-o-mehr-o-najm-o-charḳh
phirte hain lunj-o-lang-o-kar-o-kor raat din
kuchh gham firaq ka hai na kuchh vasl ki ḳhushi
huun us ke zauq-o-shauq men masrur raat din
munh kis ka mera zikr kare us ke ru-ba-ru
rahta hai varna ḳhalq ka mazkur raat din
ḳhvahish har aa.ina hai udhar bhi nazar rahe
go a.ina nazar ke hai manzur raat din
dil men jo bas rahi hai koi naznin hasin
phirti hai meri ankhon men ik huur raat din
sozish hai dagh-e-hijr men is se siva ‘vaqar’
bharta huun jitna marham-e-kafur raat din
Leave a Reply