Poet
kahin sukun na mila dil ko bazm-e-yar ke ba.ad
ki be-qarar rahi zindagi qarar ke ba.ad
uThe na paanv mohabbat ki rahguzar ke ba.ad
koi qayam nahin hai tire dayar ke ba.ad
qaba.en chaak to karte rahenge divane
kabhi bahar se pahle kabhi bahar ke ba.ad
sharab-e-ishq ka mai-kash raha sada mad.hosh
teri nigah ki masti chaḌhi ḳhumar ke ba.ad
nigah-e-shauq ne donon jahan ko chhan liya
mila na rang koi jalva-gah-e-yar ke ba.ad
talab hai us ki to ho jaao qatl-e-ishq ‘fana’
mili hain azmaten mansur ko bhi daar ke ba.ad
Leave a Reply