Shayar Jamali
rahen viran to ujḌe hue kuchh ghar honge
dasht se baḌh ke mire shahr ke manzar honge
yuun hi ta.amir agar hote rahe shish-mahal
ek din shahr ki har raah men patthar honge
dasht men ham ne ye maana ki milenge vahshi
shahr valon se to har haal men behtar honge
kya ḳhabar thi ki gulabon se hasin honTon par
zahr men Duube hue tanz ke nashtar honge
tere insaf ka me.aar yahi kahta hai
jitne ilzam bhi honge vo mire sar honge
hal-e-dil kahne se pahle hamen malum na tha
teri ankhon men bhi ashkon ke samundar honge
Leave a Reply