poet

Rah-Raste Mein Tu Yun Rahta Hai Aa Kar Humse Mil

rah-raste men tu yuun rahta hai aa kar ham se mil

kam gaya lekin vo yar-e-khangi ghar ham se mil

dil tadapta hai pada is sina-e-sad-chak men

khol kar band-e-qaba tu ai saman-bar ham se mil

be-niyaz us husn ko aur naaz ko barpa rakhe

be-takalluf ho ke tu ai naz-parvar ham se mil

pahunchna tum tak miyan apna to ik ashkal hai

hove ta milna tira ham ko mayassar ham se mil

har musibat bhar ke main pahuncha huun tere dar talak

be-muravvat ek dam aa ghar se bahar ham se mil

ab to us be-dast-o-pa se ho nahin sakti talash

DhunD le kar ham ko ai rizq-e-muqaddar ham se mil

in dinon rahti hai mujh ko be-qarari beshtar

qasd kar ke to mukarrar aur muqarrar ham se mil

ser rakhti hain miri be-tabien us vaqt zor

harf hamara gar nahin hai tujh ko bavar ham se mil

ho gaya teri hava-khvahi men ‘hasrat’ tu ba-bad

baitha kya hai khaak men ham ko mila kar ham se mil

More Poems

Leave a Comment