Qayam-O-Naql Ajaib Ke Tarjuman to Nahin

qayām-o-naql ajā.ib ke tarjumāñ to nahīñ

amal har ek musalsal hai nā-gahāñ to nahīñ

ye markaze kī harārat kashish kā baa.is hai

jo ho vo sard to phir ye zamīñ bhī maañ to nahīñ

muhīt chāroñ-taraf se hai ik ḳhalā-e-basīt

zamīñ ye apnī faqat zer-e-āsmāñ to nahīñ

havā uḌaa.e unheñ aur kahīñ bhī le jaa.e

ye Tiile ret ke pakkī nishāniyāñ to nahīñ

havā ke paas amānat haiñ sab sadā-o-aks

abhī giraft se bāhar haiñ par nihāñ to nahīñ

Leave a Comment