qamat-e-dil-ruba par shabab aa gaya
ya sava neze par aftab aa gaya
jaagi jaagi un ankhon ka aalam na puchh
samne ek jam-e-sharab aa gaya
ik nigah-e-mohabbat ki taḳhmir men
sab simaT kar jahan-e-ḳharab aa gaya
ye chale vo baḌhe vo javan ho ga.e
chand lamhon men yaum-ul-hisab aa gaya
jhuum uThi ek arman-bhari zindagi
jab hava.en chalin jab sahab aa gaya
aa.iye aa.iye is taraf vo ‘nushur’
sha.er-e-yadgar-e-shabab aa gaya
Leave a Reply