Qadmon Se Mere Gard-E-Safar Kaun Le Gaya

qadmon se mere gard-e-safar kaun le gaya

manzil pe raste ki ḳhabar kaun le gaya

ru-e-ufuq se nur-e-sahar kaun le gaya

is auj tak kamand-e-nazar kaun le gaya

rakh di ga.i thi qadmon pe us ke utaar kar

dastar janti hai ki sar kaun le gaya

is sat.h par kise tha miri zaat ka shu.ur

itni tahon men aa ke guhar kaun le gaya

sukhe daraḳht nezon ki surat gaḌe hue

vo barg o gul vo shaḳh o samar kaun le gaya