qadam uThe to gali se gali nikalti rahi
nazar diye ki tarah chaukhaTon pe jalti rahi
kuchh aisi tez na thi us ke intizar ki aanch
ye zindagi hi miri barf thi pighalti rahi
saron ke phuul sar-e-nok-e-neza hanste rahe
ye fasl sukhi hui Tahniyon pe phalti rahi
hatheliyon ne bachaya bahut charaghon ko
magar hava hi ajab zaviye badalti rahi
dayar-e-dil men kabhi sub.h ka gajar na baja
bas ek dard ki shab saari umr Dhalti rahi
main apne vaqt se aage nikal gaya hota
magar zamin bhi mire saath saath chalti rahi
Leave a Reply