Pura Na Shab-E-Gham Ka Kabhi Silsila Hua

puurā na shab-e-ġham kā kabhī silsila huā

vaqt-e-sahar uThā maiñ duā māñgtā huā

har har nafas meñ lafz-e-mohabbat zabāñ pe hai

mujh meñ na jaane kaun hai ye boltā huā

paayā nahīñ kisī ne bhī ye rāz-e-kā.enāt

vo shaḳhs kho gayā hai ḳhudā DhūñDhtā huā

us se chhupā na pā.egā tū apnā hāl-e-dil

āñkhoñ kā aa.ina hai abhī boltā huā

bīmār thā to pūchhne aa.e nahīñ mizāj

mayyat pe aaj us kī hai mela lagā huā

kal chaudhvīñ kī raat bhī ‘arpit’ tamām raat

bhaTkā huuñ apne aap ko maiñ DhūñDhtā huā

Leave a Comment