poet

Piri Mein Shauq Hausla-Farsa Nahin Raha

piiri men shauq hausla-farsa nahin raha

vo dil nahin raha vo zamana nahin raha

kya zikr-e-mehr us ki nazar men hai dil vo khvar

shayan-e-jaur-o-zulm dil-ara nahin raha

jhagda mita diya but-e-kafir ne diin ka

ab kuchh khilaf-e-momin-o-tarsa nahin raha

ushshaq-o-bul-havas men nahin karte vo tamiz

vaan imtiyaz-e-nek-o-bad asla nahin raha

kyuun bahr-e-sair aane lage gul-rukhan-e-dahr

piiri men dil saza-e-tamasha nahin raha

kah do ki qabr-e-nash bhi ki us ki paemal

nam-o-nishan-e-ashiq-e-rusva nahin raha

ab tak yahan hai ijz o niyaz o vafa ki dhuum

vaan lutf o iltifat o madara nahin raha

kashti baghair dasht-navardi ho kis tarah

ashkon se bahr ho gaya sahra nahin raha

masti men raat vo na khule mujh se ham-nashin

kuchh e’tibar-e-nashsha-e-sahba nahin raha

kyuun jaaen phir ke kaabe se ‘nassakh’ dair ko

vo sar nahin raha vo sauda nahin raha

More Poems

Leave a Comment