pindar-e-zohd ho ki ghurur-e-barhamani
is dair-e-but-shikan men hai har but shikastni
sarsar chale ki tund bagulon ka raqs ho
mauj-e-numu ravan hai to har gul shaguftani
gul-chin-o-gul-farosh ki ḳhatir hai fasl-e-gul
aur qismat-e-junun hai faqat chak-damani
divar-e-abr khinchiye kirnon ki raah men
zarron men qaid kijiye suraj ki raushni
mauj-e-nafas se larze hai tar-e-rag-e-hayat
phaili hai shahr-e-dil men vo pur-haul sansani
Leave a Reply