Phul The Rang The Lamhon Ki Sabahat Hum The

Etibar Sajid

phuul the rang the lamhon ki sabahat ham the

aise zinda the ki jiine ki alamat ham the

sab khirad-mand bane phirte the masha-allah

bas tire shahr men ik sahib-e-vahshat ham the

naam bakhsha hai tujhe kis ke vufur-e-gham ne

gar koi tha to tire mujrim-e-shohrat ham the

ab to khud apni zarurat bhi nahin hai ham ko

vo bhi din the ki kabhi teri zarurat ham the

dhuup ke dasht men kitna vo hamen dhundta tha

‘e’tibar’ us ke liye abr ki surat ham the