Poet
phuul sab ke liye mahakte hain
log lekin kahan samajhte hain
zindagi ji rahe hain ham lekin
zindagi ke liye taraste hain
vaqt ka ek naam aur bhi hai
log marham bhi is ko kahte hain
roz milte nahin hain ham ḳhud se
roz ḳhud se magar bichhaḌte hain
phuul jaise jo khil nahin paate
phuul jaise vahi bikharte hain
vaqt men ḳhasiyat hai kya aisi
vaqt ke saath sab badalte hain
Leave a Reply