Phir Ulajhte Hain Wo Gesu Ki Tarah

phir ulajhte hain vo gesu ki tarah

phir kaji par hain vo abru ki tarah

shahr-e-vahshat men kahan ghar kaisa

dasht men rahte hain aahu ki tarah

husn aur ishq ko aao taulen

donon ankhon se tarazu ki tarah

mujh ko ankhon men jagah do chande

phir gira dijiyo aansu ki tarah

na kahunga ki sanvaro zulfen

phir ulajh jaenge gesu ki tarah

ai ‘sakhi’ phirti hai kis khaal ki shakl

samne aankh ke bichchhu ki tarah

Leave a Comment