phir to is be-nam safar men kuchh bhi na apne paas raha
teri samt chala huun jab tak samton ka ehsas raha
teri gali men TuuT ga.e sab jurm-o-saza ke paimane
ek tabassum dekhne vaala saari umr udaas raha
gulchin ke chehre ki rangat roz badalti rahti thi
ranj-o-ḳhushi ke har mausam men phuul ka ek libas raha
jin ki dard-bhari baton se ek zamana raam hua
‘qasir’ aise fan-karon ki qismat men ban-bas raha
Leave a Reply