munawwar-rana

Phir Se Badal Ke Mitti Ki Surat Karo Mujhe

phir se badal ke mitti ki surat karo mujhe

izzat ke saath duniya se rukhsat karo mujhe

main ne to tum se ki hi nahin koi aarzu

paani ne kab kaha tha ki sharbat karo mujhe

kuchh bhi ho mujh ko ek nai shakl chahiye

divar par bichhao mujhe chhat karo mujhe

jannat pukarti hai ki main huun tire liye

duniya ba-zid hai mujh se ki jannat karo mujhe

More Poems

Leave a Comment