Muhammad Fiaz Hasrat
phir na kuchh baaqi nishan mera rahe
kuchh rahe to bas bayan mera rahe
jo jigar se uTh raha hai dam ba dam
ba.ad mere vo dhuan mera rahe
koi charasaz koi gham-gusar
bas ki aisa raz-dan mera rahe
main jiyun jitna jiyun sab ke liye
zindagi ka yuun ziyan mera rahe
abiyari main lahu se kar raha
bin ḳhizan ke gulistan mera rahe
tum siva.e maan ke ghar ke le lo sab
bas vo TuuTa sa makan mera rahe
ye bhi mumkin ho sake ‘hasrat’ bhala
taron ke bin asman mera rahe
Leave a Reply