Sagheer Malal
phir is ke baad rasta hamvar ho gaya
jab ḳhaak se ḳhayal numudar ho gaya
ik dastan-go hua aisa ki apne baad
saari kahaniyon ka vo kirdar ho gaya
saaya na de saka jise divar ka vajud
us ka vajud naqsh-ba-divar ho gaya
ankhen buland hote hi mahdud ho ga.iin
nazren jhuka ke dekha to didar ho gaya
vo dusre dayar ki baton se ashna
vo ajnabi qabile ka sardar ho gaya
so.e hue karenge ‘malal’ us ka tajziya
is ḳhvab-gah men koi bedar ho gaya
Leave a Reply