pech-o-kham vaqt ne sau tarah ubhare logo
kakul-e-zist magar ham ne sanvare logo
apne saae se tumhen aap hai dahshat-zadagi
tum ho kis maslahat-e-vaqt ke maare logo
ham-safar kis ko kahen kis ko sunaen gham-e-dil
pamba-dar-gosh hue saare sahare logo
zarbat-e-sang bane apni sada ke ghunche
gumbad-e-jehd men ham jab bhi pukare logo
mujh se tum duur bhi rah kar ho rag-e-jan se qarib
mire nadida rafiqo mire pyare logo
Leave a Reply