afsar-merathi

Pareshani Hai Ji Ghabra Raha Hai

pareshani hai ji ghabra raha hai

koi dhime suron men ga raha hai

kahun kya hal-e-nakam-e-mohabbat

tamannaon se ji bahla raha hai

koi shab ki khamoshi men hai giryan

tasavvur men koi samjha raha hai

tasavvur ki ye maqsad-afrini

main samjha koi sach-much aa raha hai

jo rasta khuld men nikla hai ja kar

vo dozakh se nikal kar ja raha hai

More Poems

Leave a Comment