Paniyon Mein Rasta Shoalon Mein Ghar Dekhega Kaun

pāniyoñ meñ rāsta sho.aloñ meñ ghar dekhegā kaun

ai gumān-e-ḳhush-nazar ab ke udhar dekhegā kaun

chashm-e-pur-nam soz-e-dil apnī jagah lekin yahāñ

mausam-e-sar-sabz meñ raqs-e-sharar dekhegā kaun

is sadī se us sadī tak rishte-nāte dostī

pīchhe kyā kyā rah gayā hai lauT kar dekhegā kaun

dirham-o-dīnār haiñ in.aam hijrat kā magar

ghar se gar sab hī chale jaa.eñ to ghar dekhegā kaun

Leave a Comment