Suleman Khumar
pahaḌon ki bulandi par khaḌa huun
zamin valon ko chhoTa lag raha huun
har ik raste pe ḳhud ko DhunDhta huun
main apne aap se bichhḌa hua huun
bhare shahron men dil Darne laga tha
ab aa kar jangalon men bas gaya huun
tu hi markaz hai meri zindagi ka
tire atraf misl-e-da.era huun
ujale jab se katrane lage hain
siyah-raton ka sathi ban gaya huun
marahim shakl kab ka mar chuka hai
mujhe mat chheḌiye main dusra huun
Leave a Reply