Numu-Pazir Hai Ek Dasht-E-Be-Numu Mujh Mein

numū-pazīr hai ik dasht-e-be-numū mujh meñ

zuhūr karne ko hai phir shahr-e-ārzū mujh meñ

ye zaḳhm vo hai ki jis ko dikhānā mushkil hai

Tapak rahā hai musalsal mirā lahū mujh meñ

ragoñ meñ chaap sī koī sunā.ī detī hai

ye kaun hai ki jo phirtā hai kū-ba-kū mujh meñ

maiñ apne lahje se har lamha ḳhauf khātā huuñ

chhupā huā hai koī shaḳhs tund-ḳhū mujh meñ

Leave a Comment