Zia Jalandhari
nigahon men ye kya farma ga.i ho
miri sanson ke taar uljha ga.i ho
dar-o-divar men hai ajnabiyat
main ḳhud bhi kho gaya tum kya ga.i ho
pareshan ho ga.e ta.abir se ḳhvab
ki jaise kuchh badal kar aa ga.i ho
tamanna intizar-e-dost ke ba.ad
kali jaise koi murjha ga.i ho
ye aansu ye pashemani ka iz.har
mujhe ik baar phir bahka ga.i ho
‘ziya’ vo zindagi kya zindagi hai
jise ḳhud maut bhi Thukra ga.i ho
Leave a Reply