Ada Jafarey
nigah ot rahun kasa-e-khabar men rahun
main bujhte bujhte bhi pairahan-e-sharar men rahun
main khud hi roz tamanna men aap sham-e-firaq
ajab nahin jo akeli bhare nagar men rahun
sulag uthi to andheron ka rakh liya hai bharam
jo raushni hon to kyuun chashm-e-nauha-gar men rahun
tamam umr safar men guzar duun apni
tamam umr tamanna-e-rahguzar men rahun
likha gaya mujhe avaz-e-khamushi ki tarah
khud apna aks banun saya-e-hunar men rahun
vo tishnagi thi ki shabnam ko hont tarse hain
vo aab huun ki muqayyad guhar guhar men rahun
‘ada’ main nikhat-e-gul bhi na thi saba na thi
ki mehman si rahun aur apne ghar men rahun
Leave a Reply