nigah-e-mast men kya rang-e-valihana tha
surur-o-kaif men Duuba hua zamana tha
kisi ki uThti javani ka jab zamana tha
miri nigah ka har fe.al sha.irana tha
sitam-nasib ki allah re soḳhta baḳhti
hai bijliyon ka nasheman jo ashiyana tha
azal se qaid-e-anasir ata hui mujh ko
mire nasib men zindan ka ab-o-dana tha
vufur-e-dard se jab hichkiyan si aane lagin
har ek zaḳhm ke lab par mira fasana tha
shuru-e-ishq men kya meri sha.iri thi na puchh
falak pe murgh-e-taḳhayyul ka ashiyana tha
vatan men hazrat-e-‘altaf’ zindagi apni
bahar ḳhuld-e-mohabbat ka ik fasana tha
Leave a Reply