Khawer Eijaz
naya paiman raushan kar gaya hai
vo atish-dan raushan kar gaya hai
koi taq-e-nazar men sham.a rakh kar
dil-e-viran raushan kar gaya hai
ufuq par Dubne vaala sitara
ka.i imkan raushan kar gaya hai
mire kamre ka ik tarik gosha
koi mehman raushan kar gaya hai
mire dushman ka hai ehsan mujh par
miri pahchan raushan kar gaya hai
bahut maddham si thi afaq ki lau
magar insan raushan kar gaya hai
Leave a Reply