Shahnaz Muzammil
nava-e-vaqt ka utra abhi ḳhumar nahin
abhi talak to mujhe ḳhud pe iḳhtiyar nahin
hua hai ye bhi ki sahra men phuul khilte hain
safar nasib ke hisse men kyuun bahar nahin
tilism-e-jan ke sab raaz khol duun kaise
nahin nahin mujhe ḳhud par bhi e’tibar nahin
shab-e-siyah chhupati hai mere daghon ko
use ye kah do ki gesu abhi sanvar nahin
masafaton ki thakan se ye jism-o-jan hai chuur
safar tavil hai raste men rahguzar nahin
kabhi to tishnagi kam ho hi ja.egi lekin
zamana biit gaya utre dariya paar nahin
Leave a Reply