Poet
naav dariya men chale samne manjdhar bhi ho
Duub jaane ke liye har koi tayyar bhi ho
kaise rokega safar men koi rasta jab ki
dil men ik josh bhi ho paanv men raftar bhi ho
saari ummiden isi ek sahare ki taraf
na-umidi ke safar men vahi divar bhi ho
har taraf se na.e ilzam ki barish mujh par
apne hone ka ye ehsas-e-gunah-gar bhi ho
jis dua ke liye vo raat kaTi ankhon men
vo dua ḳhud se guzar jaane ka azar bhi ho
fatiha apne gunahon ka bhi paḌhta hai ‘zafar’
zinda ehsas ke ho jaane se bezar bhi ho
Leave a Reply