poet

Namaz Kaisi Kahan Ka Roza Abhi Main Shaghl-E-Sharab Mein Hun

namaz kaisi kahan ka roza abhi main shaghl-e-sharab men huun

khuda ki yaad aae kis tarah se buton ke qahr-o-itab men huun

sharab ka shaghl ho raha hai baghal men paata huun main kisi ko

main jagta huun ki so raha huun khayal men huun ki khvab men huun

na chhed is vaqt mujh ko zahid nahin ye mauqaa hai guftugu ka

savar jaata hai vo sharabi main hazir us ki rikab men huun

kabhi sharabi kabhi namazi kabhi huun main rind-gah zahid

khuda ka Dar hai buton ka khatka ajab tarah ke azaab men huun

qayamat aane ka khauf kaisa taraddud-o-fikr kyuun hai ‘agha’

hisab kya koi mujh se lega bata to main kis hisab men huun

More Poems

Leave a Comment