Ehtisham Ul Haq Siddiqui
nakam valvalon ko liye bhagte rahe
ham sar pe daldalon ko liye bhagte rahe
nadida manzilon ki taraf ham tamam umr
hajat ke qafilon ko liye bhagte rahe
vo ḳhauf tha ki dard ka ehsas hi na tha
talvon men ablon ko liye bhagte rahe
fursat kahan thi dafn karen mayyaton ko ham
bas murda hauslon ko liye bhagte rahe
chhoḌa nahin unhen unhen hal bhi nahin kiya
ham sirf mas.alon ko liye bhagte rahe
pahle tamam shahron ko jangal sifat kiya
phir sar pe jangalon ko liye bhagte rahe
Leave a Reply