Poet
nafi ke jabr se azad aur sabat se duur
hai ka.enat koi meri ka.enat se duur
mira vajud miri dastan ka hissa hai
mira nishan hai kahin par hisar-e-zat se duur
pata chala hai ki chashma hai ab-e-haivan ka
zamin ki had se pare arsa-e-hayat se duur
nigar ḳhane ke andar nigar ḳhane hain
ka.i ḳhayal hain mere taḳhaiyyulat se duur
ye sabz rang ye shaḳhen to hain nazar ka fareb
uga hua hai shajar Daal aur paat se duur
Leave a Reply