na shart koi hai apni na koi sauda hai
hamare saath agar tum chalo to achchha hai
lagi hai aag kahin ya charagh jalte hain
yahan se duur jo dekhen to kuchh ujala hai
hamare haal pe aansu hain us ki ankhon men
magar ḳhayal sa hota hai ye bhi dhoka hai
gaya to sadma nahin tha guman bhi toḌ gaya
hamen guman yahi tha ki vo hamara hai
bichhaḌ ke tujh se nahin ham ko ranj-e-tanha.i
hamare saath to ab vahshaton ka mela hai
agar mile to kabhi us se puchhna ‘adil’
hamen batao koi yaad tum ko aata hai
Leave a Reply