Poet
na puchho ki ‘qa.em’ ka kya haal hai
kuchh ik Dher haDDiyon ka ya khaal hai
jo baiThe to hai ru-e-qalin ka naqsh
khaḌa ho to kaghaz ki timsal hai
khaTakta hai pahlu men yuun ham-nashin
kahe to ye dil tiir ki bhaal hai
giraftar hai jo tiri zulf ka
vo har qaid se farigh-ul-bal hai
uTha raund Daale ik aalim ke dil
bhala shoḳh ye bhi koi chaal hai
ulajhta hai ji shaiḳh ki riish dekh
vo sach hai misl baal janjal hai
dhaḌakne ka dil par hai gaahe hujum
gahe chashm girya ki pamal hai
ye goya dar-e-daulat-e-ishq par
dil o diida saman ghaḌiyal hai
ḳhush aa.i hai ‘qa.em’ yahi gar zamin
to phir kah na mazmun ka kya kaal hai
Leave a Reply