abdul-ahad-saaz

Na Maqamat Na Tartib-e-Zamani Apni

na maqamat na tartib-e-zamani apni

ittifaqat pe mabni hai kahani apni

jism si jaati hai tah-e-harf kisi karb ki mauj

tham ke rah jaati hai lafzon ki ravani apni

phail jaati thi samaat ki zaminon men nami

thi kabhi tar-sukhani ab-rasani apni

laakh tum mujh ko dabao main ubhar aunga

sat.h hamvar kiye rahta hai paani apni

majra ruuh ki vahshat ka niji hai ai ‘saz’

aage rudad nahin ham ko sunani apni

More Poems

Leave a Comment