Sufi
na hamen suud na ziyan hai yaad
sirf ye nala-o-fughan hai yaad
hoshyaron se puchh ye baten
aap ko bhule jab kahan hai yaad
go ka muddat se is qafas men hain
par qadim apna ashiyan hai yaad
vahm ke apne sab mufassir hain
be-nishan ka kise nishan hai yaad
dil to aur hi makan men phirta hai
na zamin hai na asman hai yaad
aage kuchh kuchh jo ham se kahte the
is se kuchh tum ko mehrban hai yaad
Leave a Reply