Shahida Lateef
na badban na kashti se pyaar karna hai
hamen to Duub ke dariya ko paar karna hai
hamara kaam tumhen rahaten baham karna
tumhara shaghl hamen be-qarar karna hai
tumhare dil se jo nikli hai e’timad ki baat
ye baat hai to hamen e’tibar karna hai
bahut kaThin hain juda.i ke marhale saare
dil-e-hazin ko magar intizar karna hai
taḳhaiyyulat ko rakhna hai ‘shahida’ qaa.em
bas ek ḳhvab ki basti se pyaar karna hai
Leave a Reply