poet

Mustamindan Ko Sataya Na Karo

mustamindan ko sataya na karo

baat ko ham se duraya na karo

dil shikanje men na Daalo mera

zulf ko gundh banaya na karo

husn-e-be-sakhta bhata hai mujhe

surma ankhiyan men lagaya na karo

tum se mujh dil ko bahut hai ummid

mujh se miskin ko kudhaya na karo

be-dilan suun na phira do mukhda

ham se tum aankh churaya na karo

mukhlis apne ko na maaro nahaq

haqq-e-ikhlas bhulaya na karo

ishq men ‘faez’-e-shaida mumtaz

is kuun sab saath milaya na karo

More Poems

Leave a Comment